مسجد الحرام اور مسجد نبوی آج سے کھولنے کا اعلان

مکہ مکرمہ(سعودی حکومت نے کورونا کے باعث حفاظتی اقدامات کے تحت بند مسجدالحرام اور مسجدی نبوی کو آج سے کھولنے کا اعلان کیا ہے، احتیاطی تدابیر بھی جاری کردی ہیں جس کے تحت حرمین شریفین میں آنےوالوں کو جائے نماز ساتھ لانا ہوگا جب کہ مسجد میں رکھے قرآن پاک کے نسخے استعمال کرنے کی ممانعت ہوگی۔نمازیوں کو فاصلہ برقرار رکھنے کی ہدایت کی گئی ہے جب کہ واش روم بند رکھے جائیں گے، نماز کے لیے آنے والوں کے لیے ماسک پہننا لازمی قرار دیا گیا ہے تاہم ابھی تک عید کی نماز اور نماز تراویح پر پابندی برقرار ہے۔واضح رہے کہ کورونا وائرس کی وجہ سے سعودی عرب نے ملک بھر کی مساجد سمیت مسجد الحرام اور مسجد نبویؐ کے اندرونی اور بیرونی حصے میں نمازِ پنجگانہ اور نماز جمعہ کی ادائیگی پر پابندی عائد کی تھی۔

Facebook Comments