ٹیلیگرام دنیا میں سب سے زیادہ ڈاؤن لوڈ کی جانے والی ایپ بن گئی

لاہور(نیوز روم رپورٹ)واٹس ایپ کی نئی پرائیویسی پالیسی کے نتیجے میں میسجنگ ایپ ٹیلیگرام پہلی بار ایک ماہ کے دوران دنیا میں سب سے زیادہ ڈاؤن لوڈ کی جانے والی ایپ بن گئی۔

سنسر ٹاور کی رپورٹ کے مطابق جنوری 2021 میں ٹیلیگرام سب سے زیادہ ڈاؤن لوڈ کی جانے والی نان گیمنگ ایپ رہی، جس نے ٹک ٹاک، فیس بک اور انسٹاگرام کو بھی پیچھے چھوڑ دیا۔

مجموعی طور پر جنوری میں 6 کروڑ 30 لاکھ سے زیادہ بار ٹیلیگرام کو ڈاؤن لوڈ کیا گیا، یہ تعداد جنوری 2020 کے مقابلے میں 3.8 گنا یادہ ہے۔

سب سے زیادہ تعداد میں بھارت میں ٹیلیگرام کو ڈاؤن لوڈ کیا گیا جبکہ انڈونیشیا کا دوسرا نمبر رہا۔