دنیا کی خوبصورت ترین لڑکی کون؟تصویروں نے دھوم مچادی

لاہور (نیوز روم مانیٹرنگ)عام طور پر گورے رنگ کو خوبصورتی کی ضانت قرار دیا جاتا ہے لیکن دنیا کی خوبصورت ترین لڑکی کے حوالے سے صورتحال بالکل ہی مختلف ہے۔جی ہاں افریقی ملک نائجیریا سے تعلق رکھنے والی پانچ سالہ جارے کو دنیا کی خوبصورت ترین لڑکی قرار دیا جارہا ہے۔سوشل میڈیا کی مختلف ویب سائٹس پر وائرل ہوتی جارے کی تصاویر اب تک کروڑوں افراد دیکھ چکے ہیں۔جارے کی قسمت اس وقت جاگی جب ایک فوٹو گرافر نے اس کی تصویریں سوشل میڈیا پر شیئر کیں،۔ان تصاویر میں لڑکی کی مسحور کردینے والی آنکھوں اور انداز کو دیکھا جاسکتا ہے جبکہ بالوں کا انداز بھی متاثرکن ہے۔س تصاویر کے کیپشن میں فوٹوگرافر نے لکھا ‘ اوہ ہاں، یہ انسان ہے، یہ لڑکی ایک فرشتہ ہے’۔ان تصاویر کو ہزاروں افراد نے لائیک کیا اور کمنٹس کی تعداد بھی بہت زیادہ رہی۔

کمنٹس میں اکثر افراد نے اسے ‘دنیا کی سب سے خوبصورت لڑکی’ قرار دیا۔وٹوگرافر نے یہ بتاکر لوگوں کو حیران کیا کہ ان تصاویر کو کھینچنے کے لیے اس نے لڑکی کو عمر سے زیادہ بڑا دکھانے کی کوشش کی۔اس لڑکی کے بارے میں تو فوٹوگرافر نے زیادہ کچھ نہیں بتایا مگر ان کا کہنا تھا کہ وہ پروفیشنل ماڈل نہیں۔

یہ لڑکی اپنی 2 بہنوں کے ساتھ رہتی ہے جن کی عمریں 7 اور 10 سال ہے اور ان کا اپنا ایک انسٹاگرام اکاﺅنٹ بھی ہے۔وٹوگرافر کی حوصلہ افزائی پر لڑکی کی ماں نے بھی انسٹاگرام اکاﺅنٹ بنایا، جن کے فالورز کی تعداد ہزاروں ہوچکی ہے۔اس سے قبل گزشتہ سال دسمبر میں ایک 8 سالہ لڑکی کو دنیا کی خوبصورت ترین لڑکی قرار دیا گیا تھا جو 3 سال کی عمر سے بطور ماڈل کام کررہی ہے۔